Ceramento di caminda en conexion cu aña parlamentario

ORANJESTAD – Departamento di Obra Publico ta informa pueblo di Aruba en general y specialmente nos automobilistanan di e siguiente. Diamars dia 11 di september 2018, Aruba ta celebra su aña Parlamentario. Pa haci esaki lo cera e caminda di L. G. Smith Blvd dilanti di Bestuurskantoor.

E caminda lo ta cera  for di Adriaan Lacle Boulevard te na Weststraat.

Ruta alternativa lo keda indica cu baricadanan y borchinan di aviso. E caminda lo ta cera di 7:30’or  di mainta pa 12’or di merdia.

En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.