PALM BEACH, ARUBA – Aruba Marriott recientemente a nombra su asociadonan cu a sobresali durante e di dos kwartaal di aña 2018 durante un event di cocktail deleitoso cu bon ambiente entre compania di coleganan. Tur nominadonan invita a bini hunto cu nan manager of supervisor pa asina celebra un di dos kwartaal sumamente exitoso.
E asociadonan a wordo nomina door di nan manager of supervisor pa nan excelente trabou y dedicacion durante e tres luna nan di e di dos kwartaal di aña. E premionan cu a wordo otorga ta inclui “Associate of the Quarter”, “Supervisor of the Quarter” y “Manager of the Quarter”.
E asociadonan cu a wordo reconoci como “Associate of the Quarter” ta Tisha Powel (Loss Prevention Resort), Irena Sanches (Housekeeping Resort), Deisy Hoyos (Captain’s Galley), Rodgen Vis (Housekeeping Ocean Club), Lisette Bouwman (Executive Admin Ocean Club), y Herley Acosta (Casino Beverage). E asociadonan cu a wordo otorga e nombracion como “Supervisor of the 1st Quarter for 2018” ta Edward Werleman (Loss Prevention Resort) y Roberto Mac Donald (Recreation Ocean Club & Surf Club) y e asociadonan nombra como “Manager of the 1st Quarter for 2018” ta Mariela Gumbs (Housekeeping ASC) y Ever Pena (Kitchen).
Tur e ganadornan a ricibi un carta di felicitacion di e General Manager como tambe un bunita plakaat y un premio cash. Interim General Manager di Aruba Marriott, Bob Jensch, hunto cu e team ehecutivo y staff di Aruba Marriott ta felicita tur e nominadonan y ganadornan cu e logro grandi aki.
Pa esnan interesa pa cuminsa nan carera na Aruba Marriott, por bishita www.marriott.com/careers pa aplica.
Aruba Marriott Resort & Stellaris Casino a habri na aña 1995 cu 414 camber. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.