Gomez Enterprise tur bo portanan di calidad y sanitarionan pa bo cas ta duna resultadonan di diasabra1 september 2018 di Baseball Clasico:
Den promer wega pa di 3 y 4to lugar di PLAY OFF:
E team di Joseph Everon y Nildo Wernet ta bini cu un rally di 8 careda den bom di 6 inning pa pasa y gana di sorpresa pa aña 2018 esta New Arrivals Bombers cu score di 11 -5. Den e wega aki tambe e promer grand slam den Baseball Clasico ta wordo conecta pa e pitchercito Juan David Arrango den cabez di 2 inning pa tuma ventaha cu score di 5-1.
Gomez Enterprises pa tur bo Materialnan di construccion y maderanan di calidad ta informa cu di otro banda ECOTEC Leftovers a descarga un total di 12 hit pa sigura e promer wega pa e di 3er lugar.
Pa ECOTEC Leftovers: Giovanni Lane y Antonio Mingo a bai di 3-3 cada uno, Anthony Thompson di 3-2, y Carlos Croes di 4-3 cu dos doblete.
Pa New Arrivals Bombers: Giovanny Guerero di 3-3 y Dominic Innamora di 3-2 y Juan David Arrango di 4-2 incluyendo e prome grand slam di historia di Baseball Clasico.
Pitcher ganador ta Carlos Croes y Juan David Arrango ta pitcher perdedor.
Box score: R -H -E
New Arrivals 5 7 2
Ecotech Leftovers 11 12 1
Den e promer wega di best out of three entre Spuiters Quality Chiropractic y Brazil Dental Care / Lucor e team di Spuiters ta bay cas cu e Victoria preta di 3-2. Den e partido aki Vincent Willems tambe ta conecta un homerun pa pone Brazil ariba 2-0, pero den bom di 3 inning Spuiters cu 2 coredor na base Aldrick Charro Loopstok ta conecta un doblete pa bolter e score 3-2 . Despues di esaki a sigi un duelo di pitcher formal entre Patrick van Heyningen y Richard Flanegin wantando e score intacto te final. Y spuiters ta posiciona su mes na un paso di e titulo maximo di Baseball Clasico 2018.
Mihor bateadornan pa Spuiters: Endel Kock y Gregory Pilin Krozendijk di 3-2 cada uno,
Y pa Brazil Dental Care/ Lucor tabata. Alfonso Stenen cu tin un bate cayente den finalnan aki y Ramfis Gomez di 3-2 cada uno.
Richad Nun Flanegin a bai cas cu e Victoria y
Box score: R -H -E
Brazil Dental Care/ Lucor 2 7 1
Spuiters QCP 3 7 0
Playoff final ta sigi cu nan 2do wega diasabra awor, dia 8 september 2018 na Joe La Veist Ball park cu dos wega.
Shedule: 8 september 2018
12.30 pm New Arrivalls vs Ecotech
3.30 pm Brazil Lucor vs Spuiters QTC
Un Victoria pa Brazil Dental Care/ Lucor cu ta bin todo por todo pa forsa un wega decisivo dia 15 september 2018. Y manager Win Dabian y Sandy Roga kiermen cu nan ta bin pa caba cos. Ta abo so falta pa presencia pa bo mes si ta bai tin un campeon nobo e diasabra aki of nos mester warda te otro siman.
Directiva un biaha mas kier a invita e pueblo di Brazil y Sta Cruz y henter Aruba recordando Brazil Lucor y Sta Cruz Royals pa e playoff final cu ta Red Red Hot .
No laganan contabo esaki por ta e ultimo wega di campeonato di Baseball Clasico 2018.
Nos ta invitabo pa bin forma parti di e publico grandi cu ta sostene baseball Clasico di Aruba.