Señora ta haya su auto kibra, despues di a parkeer dilanti un bar restaurant

Kudawecha – Diasabra marduga polis a bay altura di e stadion na Kudawecha, pa un otro hit and run.

Dos señora cu a caba di sali di Ambiente bar restaurant, ta haya nan auto kibra dilanti causando cu e auto no por core.
Agente na e sitio mes ora a cuminsa mira kiko por a pasa.

A resulta cu un otro vehiculo cu lo tawata staciona su tras a bay subi caminda, y birando na su man drechi a ranca luz y bumper di e Chevrolet Aveo completamente.

E chauffeur muy probablemente bou influencia a sigui su caminda manera nada a pasa.
Mirando con e auto a keda e señora lo mester a zorg pa un takelwagen pa hiba e auto cas.