Rotterdam: Diamars 28 di augustus, Douane riba waf di Rotterdam na e terminal di Maasvlakte, a intercepta 260 kilo for di un container cu tabata procedente di Corsou.
E droga a wordo haya, bon scondi den cahanan di carton den un cargacion di desperdicio di plastic, en total Douane hulandes a intercepta 260 kilo di cocaina E container den cual a haya e cocaina tabata procedente di Corsou.
Mas den oranan di anochi polis a detene 4 persona, nan a tabata actua basta sospechoso, door cu nan tabata keda circula hopi cerca di e terminal aki, durante cu polis a detene e 4 personanan aki, un auto tambe a keda confisca.
E caso ta bou investigacion y no por bisa ainda si tin personanan procedente di Corsou of Aruba relaciona cu e caso aki.
E HARC Team, cual ta un team consistiendo di Douane, Zeehavenpolitie, Ministerio Publico y FIOD Rotterdam, ta investigando si e 4 personanan deteni tin un link cu e cargacion di cocaina cu Diamars durante dia a wordo intercepta.
