128
Diamars merdia e atletanan di Taekwondo a biaha pa Costa Rica pa nan bay participa na e di XI Costa Rica Taekwondo Open. Záhyon Klabér, Monica Pimentel y Jourdé Klabér ta bay bringa den e categoria di adulto na un campeonato di Ranking G1 pa adulto.
Rasheed Lowe lo bringa diabierna den e categoria di cadet, mientras cu Hakeem Lowe y Nassip Bislip lo bringa diahuebs den e categoria di junior. Nathal y Maedlynn Fradl ta bringa diadomingo den festival. Brazil Taekwondo Stichting su team di “Train Hard Fight Smart” a prepara debidamente pa Costa Rica.
E team di Impact Taekwondo y di Tiger Taekwondo tambe a biaha hunto cu e team.
Presidente di Aruba Taekwondo Bond Dr. Guaicaipuro Jimenez tabata presente pa desea nan tur exito.
Director di Lotto pa Deporte Sr. Di-Estefano Wernet a bin duna su apoyo na e team y a deseanan bon biahe y ta conta cu lo mira e Bandera di Aruba na laira.
