130
Riberostraat – Figaroastraat
Diabierna mainta 10’or, algun unidad di polis a bay poco panort di Ling’s restaurant na Noord, pa un accidente di auto.
Prome informacion cu a drenta a bisa cu un di e heridonan lo tin problema pa hala rosea.
Esaki a pone cu e unidadnan policial bayendo e sitio, a cuminsa haci mas lihe pa yega.
Na yegada ariba e crusada Riberostraat cu Figaroastraat, nan ta haya un Hyundaia Getz pega cerca di un palo di luz, y un pick up Toyota.
Den e Getz dos dama basta spanta, cu a keda sinta den e auto despues di e accidente.
Na e sitio nos a compronde cu, e Hyundai Getz a subi e crusada for di Figaroastraat sin duna e pick up Toyota preferencia.
Chauffeur di e pick up a bisa polis cu ela evita di dal den porta di e Getz, esta unda e chauffeur ta sinta.
Ambulance tambe a yega na e sitio, caminda paramediconan a controla e dos damanan, cu tawata basta spanta di e impacto duro.
No tawata mester di a hibanan hospital.
