Oranjestad: Dialuna algo pasa di 12’or di merdia, curpa sin bida di Ski a wordo haya patras na e waf chikito di Oranjestad.
Ski a wordo tira pa un persona desconoci Diasabra den oranan di marduga, despues di a wordo hiba hospital, diadomingo pa mas o menos 11’or di anochi, nos di arubanative.com a mir’e y a purba na papia cune, e tabata mustra malo pero no lo tabata kier ayudo.
Dialuna merdia ta drenta e tristo noticia cu e adicto ambulante Ski, un persona hopi trankil semper cu su bais, a pasa pa un mihor bida.
Ski su nomber original ta Hubert y a fayece na e edad di 50 aña, ela lanta den Sividivi y despues a muda pa Klip.
Ski su hobby tabata core bais, Ski tabata e prome campeon di Aruba den competencianan intercontinental di BMX. Semper Ski tabata percura pa e sali na prome lugar. Ski a yega di representa Aruba den exterior. Ski tempo cu e tabata jong, e tabata bay cu algun amigo di bario, e tempo ey banda di e Surfside pa bula cu bais den santo blanco.
Despues ela cuminsa poco poco bay den e caminda robes, pero maske e tabata den e mundo di droga, semper e tabata keda bisa su amigonan cu droga ta diabel y boso keda leu for di droga.
Ski tabata ta hopi aña pareha di e otro conocido adicto ambulante Nathaly cu algun aña pasa a fayece. Ski a fayece unda ela biba e ultimo añanan di su bida, riba caya y sin molestia niun hende.
Nos di arubanative.com kier a extende nos mas profundo palabranan di condolencia na famia di Hubert y cu nos amigo Ski sosega na paz.