Oranjestad,
E mucha turista cu tabata envolvi den e accidente awemainta ta bibo y actualmente lo ta den camber di operacion.
E ta un mucha muher di apenas 5 aña, turista procedente di Puerto Rico.
Un parti di su pia, e parti di rudia bay abou a keda amputa, den e impacto fuerte.
Danki na un empleado di D.T.P. cu tawata cerca, y hopi atento mesora a sali na ayuda di e mucha, pa logra mantene e mucha na bida te ora cu ayudo a yega, Ambulance tabata hopi leu y a tarda pa yega.
E empleado di D.T.P. kende lo tabata of ta miembro di Rode Kruis tabata sa bon kiko mester a haci pa salba e mucha su bida.
E tabata un di e prome personanan cu a yega na e sitio y a mira e criatura su situacion, mesora ela cuminsa na reanima e mucha y despues ela mara e pia cu paña pa pone pression pa asina para e sangramento profuso.
Nomber di e empleado di D.T.P. no ta conoci pero sigur Arubanative.com kier a gradici’e pa loke ela haci pa e criatura aki.