Chauffeur no ta regula su velocidad na tempo y ta dal tras di un pickup

Paradera: Diabierna algo pasa di 4’or di atardi, polis di trafico y ambulance ta wordo manda na e caminda di Paradera, na altura di Anytime, pa un accidente cu un persona levemente herida.

Na yegada di polis nan ta topa cu un Kia Rio cu hopi daño material y nan ta bin compronde cu e chauffeur di e Kia Rio no a controla su velocidad na tempo y a dal patras di un Mitsubishi Pick Up, Pick up a haya poco daño material na e bumper. E impacto tabata fuerte na prome instancia a pidi pa ambulance pero despues e chauffeur a bisa polis cu e no ta desea asistencia medico di ambulance.

Polis na su turno mesora a cancela e ambulance.