Diabierna mainta Minister di Turismo Sr. Dangui Oduber hunto cu CEO di A.T.A. a haci bishita na Moomba Beach pa presencia con e proceso di Beach Dredging ta bayendo riba e beach di palm beach. Esaki ta un proyecto di A.T.A. hunto cu gobierno di Aruba.
Beach dredging ta e proceso na unda nan ta shovel e suela di e lama y cu un pomp ta manda e tera cu ta lodo via tubonan 800 meter for di e costa. Despues cu saca e lodo sushi lo yena e area bek cu santo blanco. E lodo sushi aki a wordo genera durante hopi aña, cu no solamente tin impacto riba e fondo di e lama sino ta saca un holor desagradabel. Un di e causanan principal pa esaki ta e sunblock cu ta wordo uza y e botonan cu ta trafica e area aki. Esaki ta e prome biaha cu e proceso aki ta wordo practica na Aruba den e escala aki.
E vision di gobierno ta pa mehora e producto Aruba pa asina yega na e turista di calidad, e turista cu ta laga mas placa atras den nos economia. Manteniendo nos beachnan riba un nivel halto ta esencial pa e producto Aruba sigi engrandece.
Minister Dangui Oduber semper ta para tras di proyectonan cu ta pa mehoracion di nos turismo. Ta importante pa nos consientiza communidad di Aruba riba e importancia pa mantencion di nos beachnan.
E proyecto aki ta canando riba bon pia pesei ta manda palabra di elogio na Varadero Contractor pa e bunita trabou cu nan ta bin ta haciendo, asina e mandatario a duna di conoce.