Eagle Beach: Diahuebs algo pasa di 3’or di atardi ta sosode un caso hopi serio cu un menor na un hotel na Eagle Beach, mesora a pidi pa presencia di polis, KJZP y slachtofferhulp.
Na prome instante a pensa cu ta trata di un caso di rape, pero despues a resulta cu ta trata di un acto inmoral cu a wordo cometi cu un mucha muher di 5 aña.
Un homber desconoci aparentemente di edad, lo a acerca e mucha muher aki, lo a coy man di e criatura y pone mishi na e parti parti intimo di e homber, aparentemente esaki lo a sosode na e activity center di e hotel unda muchanan sa bay hunga.
Despues cu e homber a caba, e mucha a bay conta su mayornan kiko a caba di pasa cune y esaki dimes a pone cu nan a bira histerico y mesora nan a pidi pa asistencia di polis.
E hotel y autoridad a atende esaki hopi discreto, e caso aki sigur tin tur atencion di autoridad y ta bou investigacion.