Homber bou influencia ta hit and run y ta keda deteni

Arendsstraat, Oranjestad: Diahuebs algo pasa di 1’or di marduga, asistencia di polis ta wordo pidi pa un Kia Picanto shinishi, numera A 6597, den cual e chauffeur un rato prome a hit and run un Skyline preto, y e chauffeur di e Skyline mesora a cuminsa sigui’e y a yama polis, e chauffeur di e Skyline tabata informando polis ki direccion e auto tabata tumando.

Den Arendsstraat na altura di JP Cargo un patruya di polis a logra para e Kia Picanto shinishi, e chauffeur mesora a keda detene pa core auto bou influencia y pa dal auto y no para pa su responsabilidad.

E chauffeur di e Kia Picanto shinishi a keda deteni y hiba Warda di polis na Oranjestad.