132
ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Venezuelastraat di lo siguiente. Diamars dia 3 di juli 2018 for di 9’or di mainta te cu 4’or di atardi, e caminda di Venezuelastraat #28 te Venezuelastraat #30 lo ta cera pa motibo mantencion di e riolering riba dicho caminda.
Desviacion di trafico ta via Panamastraat y Costa Ricastraat.
En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e caminda menciona y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.