ORANJESTAD, ARUBA: Recientemente Ministerio Publico a duna Cuerpo Policial Aruba e derecho pa por eherce e “listramento preventivo”. Esaki a tuma lugar diabierna 18:00 di atardi pa diasabra mainta 06:00. Polis tabata tin control estricto tanto pafo y paden durante e evento di Aruba Summer Music Festival y den districto di Noord.
Den total polis a haci 19 detencion
15 di e detencionan ta pa posicion di droga. 13 detencion pa marihuana y 2 detencion pa cocaina.
3 detencion pa core auto bou influencia di alcohol.
1 detencion ta pa bou influencia di alcohol.
Totaal a cobra 1770,– na multa
E accion preventivo aki a conta cu 3 grupo cu a controla den districto di Oranjestad y Noord. A conta cu 60 polis cu tabata riba pia pa mantene e orden publico. Cu e sosten di C.E.A. pa transporta e detenidonan e accion aki tabata posibel.
Polis lo sigui tin controlnan tanto na actividadnan grandi y tambe chikito pa mantene e orden publico y trankilidad den nos comunidad.