131
ORANJESTAD – Diahuebs siman pasa Minister di Finansa, Asuntonan Economico y Cultura señora mr. Xiomara Ruiz-Maduro tabata presente na e Guardian Group Best In Business Award Aruba 2018. E anochi aki e 5 empresario hoben cu a keda nomina pa nan excelencia den haci negoshi a wordo presenta na e publico presente.
E mandatario durante su discurso a splica riba trabaonan cu gobierno ta haciendo pa yuda facilita e desaroyo di entrepreneurship y sector di empresanan chikito. Ademas minister Ruiz-Maduro a motiva y gradici e empresarionan hoben pa nan contribucion y empuhe excelente na desaroyo nos economia. Palabranan di pabien y mas exito na cada un di e hobennan nomina y specialmente na e ganador Ewald Brown cu su negoshi Affinity Lighting and Design especialisa riba e tereno di luz y instalacion di coriente.