Dama a haya mordi serio for di un cacho na Meiveld, e cacho lo no tin doño

Rooi Afo – Diaranson atardi algo prome cu 6:30 polis ta topa cu ambulance, patras di e edifio unda antes tawata Kong Fui Supermarket na Meiveld.

Ambulance a wordo manda door cu cacho lo a morde un dama.

Na yegada di polis, e dama tawata wordo trata den ambulance.
E dama lo a haya un mordi basta serio na parti di su pia ariba, tambe a ricibi varios rasca.

Segun nos a compronde, e cachonan of miho bisa un di e cachonan ta frecuenta parti patras di e ex supermercado.
Paramediconan a trata e dama na e sitio.