ORANJESTAD, ARUBA: Recientemente a tuma lugar bishita di cortecia di trabou di Alto mando policial di Aruba, Curacao, Sint Maarten y islanan BES na Hulanda. Durante simannan di trabou na Hulanda a haci bishita na Koninklijke Marechaussee na Schiphol, Dienst Landelijke Operationele Samenwerking (DLOS), Financial Intelligence Unit (FIU), Politieacademie, het Nederlands Forensisch Instituut (NFI), de infocel Cariben,e team High Impact Crimes (HIC) di Rotterdam, Ministerio di JenV en Binnenlandse Zaken en koninkrijksrelaties.
Tur esaki den cuadro di un bon relacion den Reino Hulandes y hunto por haci e trabou aki mas centraal. Nan a bishita Korpschef di Hulanda cu ta Sr. Erik Akerboom un encuentro cu a tuma lugar na e oficina principal na Den Haag. Hunto nan a elabora y repasa riba diferente temanan cu ta importante pa traha hunto bou di un solo dak den Reino Hulandes.
Un di e momentonan special pero tambe un momento pa recorda dicon ta importante pa traha hunto ta loke cu a sosode cu nos isla ruman Sint Maarten. Korpschef Carl John di Sint Maarten a mustranan un video na su coleganan y aki ela mustra e orkaan Irma cu a pasa riba Sint Maarten dia 6 september 2017. “Ta danki nan e sosten di Hulanda y na tur otro coleganan y isla rumanan cu a yuda nos pa pone Sint Maarten bek riba pia”. Esaki ta e motibonan dicon ta importante cu nos relacion di Cuerpo Policial Aruba ta importante den Reino Hulandes.
Un momento importante cu e Korpschefnan a haci un bishita di trabou na Hulanda pa reforsa e union den reino pa cualkier calamidad pero tambe temanan cu ta incera justicia y pa combati criminalidad hunto.