ORANJESTAD, ARUBA: Diabierna 10:00 anochi manece diasabra te cu 5:00 mainta a tuma lugar un control di trafico. E control aki tabata dirigi specialemente riba uzo di alcohol. Organisa pa Motor Unit den cooperacion cu Scol di Polis (POI). Manera ta custumber tur aña ora un klas ta cabando cu nan 2 aña den nan estudio ta sali cu nan riba caya.
“Nos a sali cu e studiantenan pa haci un control dirigi riba coremento bou di influencia di alcohol asina por train e polisnan nobo riba e procedura di detencion y documentonan.” Asina Sr. Pieters di motor unit a declara.
Klas N4-2016 cu ta 20 studiantenan di polis a wordo parti den 2 grupo di 10. Bou guia di unidad motorisa di 7 personal a parti e grupo pa haci control den districto di Noord y Oranjestad.
Na final un total di 100 auto a wordo para pa controla na cual 19 persona a keda deteni pa maneha auto bou influencia di alcohol. 1 persona bou influencia di alcohol ta ilegal na Aruba y a wordo traspasa pa Warda nos Costa. 1 persona a wordo detene cu arma blanco den su poder.
A wordo kita 2 ijbewijs di cual un di e manehadornan a supla 840 ug/l. E manehador tabata core zig zag dilanti un auto di polis y a wordo para mesora.
Un anochi na unda e agente policialnan nobo a siña hopi y a train tambe e procedura cu ta ancra den nos ley. E klas di 20 agente policial ta cabando nan estudio awor pa asina nan por ricibi nan basis diploma di polis.
Por sigui spera mas control den nos trafico.