ORANJESTAD, Aruba – 24 di Juni 2018: Dia 23 di Juni tabata Dia Olimpico y riba parkeerplaats di Aruba Bank Camacuri hopi hende a presenta. Instituto Biba Saludabel y Activo (IBiSA), Comite Olimpico Arubano (COA) y Aruba Bank a organisa e “Olympic Day 2018” unda tabatin diferente actividad cu tur hende por a participa. Mas di 450 participante a participa den e Dia Olimpico, unda nan a core riba e parkeerplaats di Aruba Bank Camacuri.
E mainta a cuminsa cu un caminata y coremento, unda hendenan grandi y muchanan a participa. E muchanan a disfruta e dia coriendo y/of cana. Pa 6’or di mainta hendenan grandi a cuminsa cu e 5K Fun Walk & Run, mientras pa 7’or di mainta e muchanan a core y a pasa un rato agradabel. Muchanan a disfruta e dia na e kids corner.
Tur hende a ricibi presentacion di atletanan top y federacionnan, kendenan a duna un splicacion kico tur nan ta haci. E mainta aki tur hende a disfruta di e “Olympic Day 2018”. Aruba Bank tabata contento di e participacion grandi di comunidad cu e Olympic Day 2018.
