Bushistraat, Oranjestad: Diamars algo prome cu 8’or y 45, presencia di polis ta wordo pidi cu urgencia na Bushistraat 1, caminda e doño di cas ta haye den un problema grandi cu algun huurdo cu a hera pasa auto riba dje y a los un tiro.
Esaki a sosode na momento cu e doño di e cas a cansa y a bisa ta basta. E huurdo no tabata paga huur manera mester ta y tabata blo pasa bira e doño. E doño no tabata kier nan mas den su cas, e cas tabata wordo usa manera un stashhouse, supose di tabata wordo usa pa warda articulo.
E cos a bay for di man ora e doño a bisanan cu elo bay yama polis. E personanan na e cas a bira loco y a cuminsa saca cos for di e cas. E doño a miranan ta saca varios paki di cocaina y hinka den auto, despues pa nan por a huy nan a los un tiro den halto y a hera pasa auto riba un amiga di doño.
Den e cura tabata tin varios cachonan grandi, cu lo tabata wordo usa pa cuida e droga den e cas.
Polis tin e cas cera, Departamento di narcotica y departamento tecnico ta na e cas y ta haciendo mas investigacion.
Polis ta na altura ken tabata huur e cas y pronto detencion lo por bay cay.