Prome Minister Evelyn Wever-Croes a reuni cu Bond van Gepensioneerden Nederlandse Antillen en Aruba. Un reunion hopi fructifero na unda diferente tema di preocupacion pa e pensionadonan a wordo trata.
E tema di mas preocupante tawata di e pensionadonan cu ta biba na Aruba cu ta haya un pensioen di Corsou of Antias. Corsou a corta e pensioen di SVb Corsou cu 10 prociento pa luna y a kita nan ‘kerstbonus’. E motibo pa cua Corsou a haci esaki ta pa haci e fondo di SVb Corsou mas solido y a cuminsa haci esaki cu esnan cu no ta biba na Corsou. Pero e decision aki a haci un efecto hopi grandi riba esnan cu ta biba na Aruba y ta haya pensioen di Corsou.
Prome Minister a bisa nan cu ya desde cu e ta den Parlamento, el a papia cu Corou y Sint Maarten riba e tema aki na unda nan a priminti cu nan lo busca e manera pa yuda den e caso aki. Tambe e prome mandatario a papia cu Gobierno di Corsou riba e posibilidad pa no corta riba e pensioen di biehes di esnan cu ta biba na Aruba.
Prome Minister a compromote su mes pa sigui den dialogo cu Gobierno di Corsou pa mira si por trece alivio pa e pensionadonan di Aruba. “Nos lo sigui lucha pa logra progreso y bienestar pa nos pensionadonan”.