126
Palm Beach – Schotlandstraat Dialuna atardi pa mas o menos 4:45 polis a haya nan man yen, ora cu un truck lo a basha masha hopi azeta ariba caminda.
Automobilistanan mester a maniobra, momento cu inespera ta hayanan cu azeta ariba caminda.
Polisnan a logra sigui e pista, di unda ela cuminsa cu tawata crusada di Wendy’s na Palm Beach.
E truck su destino final tawata den cura di Watapana Tours situa den Schotlandstraat.
E parti irresponsabel ta, cu aparentemente esun of esunnan cu tawata den e truck a yega staciona e truck den e cura y bay.
Algun rato despues e propietario ta yega man na cabes, y e ora polis a conte di e desaster cu e azeta ariba caminda a causa.
E momento ey autoridad a cuminsa na avisa D.O.W, mientrastanto agentenan policial mes tawata lanta tera y benta ariba e azeta, cu tawata hopi na e luznan di trafico na Palm Beach.
Den oranan di atardi Vocero Policial a manda un relato di e susedido.
“Pa medio di esaki mi kier a pone coleganan di prensa na altura cu e camindanan di:
Hard rock cafe bin lus di trafico Palm Beach bay te krusada pa bay Koyari (Buccaneer) end up riba retonde Bubali bay Superfood pasa bandi Superfood bay retonde sigi riba Schotlandstraat te dilanti Watapana Tours ta sera pa tráfico te proximo aviso.
A constata cu tin azeta ariba e camindanan akiriba menshona pa cual motibo tin diferente dalmento a tuma luga”.
Cierto camindanan mester a keda cera, pa D.O.W por a basha tera ariba e azeta.
Te den oranan di 8’or di anochi polis mester a yuda personal di D.O.W .
Gastonan segun nos a compronde di polis, ta cora pe doño di e negoshi.