ORANJESTAD – Gobierno di Aruba ta reconoce logronan di Arubianonan cu ta destaca tanto na Aruba como internacionalemente. Nos pais ta crece cada biaha cu nos nomber briya mundialmente.
Prome Minister Evelyn Wever-Croes den nomber di Gobierno di Aruba, a duna reconocimento di Excelencia na e hoben Haischel Dabian.
Haischel ta un studiante na Hulanda kende a gana hunto cu su team pa 2 aña consecutivo e hackathon di block chain mas grandi di mundo. El a logra esaki participando cu 820 otro participantenan di diferente pais.
Prome Minister a expresa cu ta un orguyo pa mira un hoben Arubiano desaroya su talento y pone nomber di Aruba riba un pedestal innovativo. Den nomber di Gobierno di Aruba, e mandatario a entrega un reconocimento na e hoben Haischel.