Parlamentario Endy Croes tur dia ta contra aresta ponencianan fofo y mentiranan di ex- ministernan di AVP y hustamente di esnan cu a horta e pais aki. Por tuma nota cu Richard Arends cada dia kier acumula mentiranan pa asina trata na laga pueblo lubida riba nan mal maneho. Nos lo keda recorda pueblo cu Richard Arends a ranca mas di 2 MIYON di e pueblo aki. Richard a traha desde 2009 como consehero y tabata strica 15 mil florin pa luna. Esaki sinembargo no tabata suficiente y na Augustus 2014 Richard a bin cu e construccion pa kita como consehero y laga Mike Eman contracta su compania nobo, esta Horizon Consultancy cu cual Richard a cuminsa cobra Afl.25 mil pa luna unda e compania a strica mas di 500 mil esta mey MIYON florin di pais Aruba. Richard a probecha y a haya tereno “prime location” na Malmok y a traha un mansion di alrededor 500 mil florin. Asina por sigui menciona. Richard Arends a biaha multiple camindanan rond mundo riba custia di pueblo, alaves a wine and dine cu Roberto Rincon na Houston Texas negoshando contracto di refineria
Presta placa bay gol
Despues Richard Arends a bira Minister. Mike Eman tabata tin 12 Parlamentario pero No a confia ningun. Su Parlamentarionan tabata solamente pa cubri e stempel parlament y grita VOOR ora Mike tabata toca den Cocolishi y nan mester baila pariba. Pues Richard ta pasa dilanti tur cu a carga e partido. Actualmente Richard Arends ta Parlamentario ainda cobrando placa di pais Aruba. Su persona a traha rapport FESCA cual a destrui nos finansas publico. Bou maneho y conseho di Richard Arends nos debe a redobla. Bou su maneho tambe Aruba a yega na rand di bancarota unda 93 cen di cada florin awe ta comprometi na debe. Richard su maneho descabeya consehando e lunatico Mike Eman a percura cu Aruba awe ta paga 216 MIYON florin solamente na interes, pues 600 mil florin pa cada dia. Presta placa bay gol y compromete nos futuro generacion. Tras di consehonan di Richard Arends y Horizon Consultancy awe Aruba ta mara na man cu pia y mester paga pa 20 aña largo 80.5 MIYON florin pa aña pa e proyectonan di PPP.
Manipulacion di Richard
Den e dianan aki nos a tuma nota con Richard Arends kier purba manipula pueblo atrobe cu nan politica anticua gañando na diferente forma pero lagando e berdad mes ta atras alrespecto crisis heffing. Si no tabata pa e fiesta di AVP awe no mester a bin crisis heffing. Richard Arends ta dispuesto di bolbe pueblo placa cu Horizon Consultancy a cobra bek? Richard y Mike Eman a permiti pa Patrick Paskel di Tera Group y PAXI bira MIYONARIO riba lomba di pueblo. Na voorlichting en promotie AVP a paga 89 MIYON y na Deskundig Advies pa amigonan abogado un otro 112 MIYON. Si Richard a para e cosnan aki awe NO lo mester a introduci ningun heffing. Pues tempo di hunga pishi bamba a pasa y ta tempo pa para manera un homber y defende e pida baranca aki pa nos por saca e barco cu boso a pega. Sea mas sincero y duna aporte positivo pero ki ora boso (AVP) bin cu tipo di manipulacion pa bruha of purba keda engaña pueblo por spera reaccion poniendo tur boso berdadnan sunu riba mesa.