Atraco arma ariba 2 turista na Perle d’Or

Boegoeroei – Diamars anochi pa mas o menos 9:55 polis a wordo notifica di un caso di atraco na Perle d’Or Apartments.

Segun nos a compronde na e sitio, e atracador cu lo a papia spaño a ranca tas di e turista.
Momento cu ela sali core bay, un persona a core bay su tras y esaki tawata momento cu ela laga e tas cay.

Mes un momento cu esaki a sosode, e atracador a saca un arma di candela. Segun e persona cu tawata su tras, ela mira un arma di candela color di plata.

Altura di Save A Lot, tawata tin un auto wardando e atracador. Ningun hende a logra mira marca di e auto y tampoco cua direccion ela bay.

Atraco team y tambe Chef van Dienst di districto di Noord, a bay e sitio unda e atraco a tuma luga.