153
Pavia – Diadomingo mainta pa mas o menos 11:30 polis y tambe ambulance a wordo manda cu urgencia na entrada di Pavia Country Club. Informacionnan haya a papia di un accidente frontal serio.
Na yegada di polis y ambulance, nan ta haya dos auto, cu lo berdad a dal frontal. Na e daño material por a constata mes ora cu ta algo serio.
E autonan envolvi tawata un Mazda pick up y un Nissan March, ambos color blanco.
Informacionnan haya na e sitio, a indica cu e Mazda pick up bayendo pariba a haya confronta cu e Nissan March. Segun e chauffeur di e pick up, e Nissan March pa un of otro motibo lo a perde control y kita bay na su man robes.
E Mazda pick up mucho e no por a haci, y a para wak e con e Nissan March a bin dal frontal contra dje.
Tres persona a resulta herida, di e cual e dama chauffeur di e Nissan March ta esun mas grave.
Den e March tawata tin basta sanger y por a mira cu e dama a bay dal den e windshield durante e impacto.
Den e Mazda pick up, tambe por a mira cu e windshield a kibra.
Tres ambulance a presenta na e sitio, caminda cu despues di a prepara e heridonan a sali direccion Hospitaal cu nan.