Accidente entre un Nissan y Chevrolet na Camacuri, un persona a resulta herida

Camcuri – Diabierna mainta polisnan a bay cu urgencia na Camacuri, caminda un accidente a sosode y lo tin heridos.

Na e sitio polis ta haya e Chevrolet Aveo mey mey caminda, dilanti Dollar car rental.
Mas pariba, e otro auto Nissan Cedric cu a bay para te unda hende ta cana ariba Linear Park. Danki Dios no tawata tin ningun persona haciendo ehercicio e momento ey.

Na e sitio nos a compronde cu, e Nissan Cedric bayendo pariba pa un of otro motibo a dal contra e Chevrolet Aveo cu tawata bayendo pabou.

Durante e maniobra, e Nissan a bay na su man robes y despues bay bek na su man drechi subiendo Linear Park y keda para eynan.
Ocupante di e Chevrolet Aveo a resulta herida y a wordo transporta pa hospitaal.