Dia di Tera ta un di e expresionnan mas bunita y ecologico cu nos tin. Pa dia 22 di april, cu ta Dia di nos Mama Tera, mi ta propone nos comunidad pa pasa e dia aki celebrando precisamente nos amor pa nos Mama Tera.
Lo bay tin diferente actividad rond di nos isla cu lo duna nos e espacio pa celebra e dia aki di un manera special.
Pero nos mes, apart di forma parti activo di actonan oficial pa conmemora Mama Tera su dia, por celebra Dia di tera di un forma mas ecologico y di manera particular.
Ban incentiva esunnan mas chikito na stima y proteha nos Mama Tera. Ban inculca den nos muchanan e amor pa ecologia door di siña nan for di trempan pa tuma un parti activo den proteccion di nos fauna.
Y nos mes como adulto por realisa actonan chikito cu lo sirbi como conscientisacion pa proteha nos Medio Ambiente, y si nos haci esakinan den conhunto, nos lo por yega na conforma logronan grandi pa nos Mama tera.
Ban crea un compromiso colectivo cu nos medio ambiente, nos tera y e entorno cu ta rondona nos. E dia aki ta uno special pa nos para keto un rato y considera cu e ta den nos man pa mantene nos medio ambiente responsablemente y asina sigura un miho futuro pa e siguiente generacionnan.