Sabana Basora Noord – Diabierna den oranan di anochi, varios unidad di polis ta bay Sabana Basora Noord, pa motibo cu varios tiro cu lo a wordo scucha.
N altura di Sabana Basora Noord 84 polis a haya informacion cu lo tawata tin varios huls riba caminda, indicando cu eynan e personanan lo a tira.
Mesora a bay na e sitio pa asina sigura e area aki, pa autoridad por haci investigacion.
Tur esaki tawata na altura unda antes e Barios Regisseur su oficina tawata situa.
E problema lo tawata entre dos grupo basta grandi. Aki ta caminda cu arma di candela a wordo saca y a tira cune.
A wordo menciona un Nissan March color shinishi, cu posiblemente e personanan den e auto aki lo tin di haber cu e arma di candela.
Mientras cu polisnan tawata na e sitio, piedra a cuminsa wordo manda ariba e polisnan. Algo similar a pasa algun dia pasa, na Seroe Patrishi, caminda cu dos persona a keda deteni.
Despues di algun rato cu polisnan a haya e hulsnan, nan a pidi pa presencia di departamento tecnico di polis, pa haci mas investigacion, saca potret di e hulsnan y documenta esaki.
Flex Team a bin topa cu e Nissan March shinishi na altura di Sabana Basora 121 y ta para esaki, nan ta detene e dos ocupantenan.
Ambos a wordo transporta pa warda di polis na Santa Cruz.