Macuarima: Diabierna anochi, algo prome cu mey anochi. Problema di gang a bay completamente for man.
Na momento cu un grupo tawata dilanti 88 Foodmart y diripiente ta yega un Nissan Sentra Shinishi cu dos muher y tres homber.
Segun testigo, a start un discusion, caminda un di e hombernan ta saca un arma di candela y a punta e arma riba e contra partido, pero no a los niun tiro.
Den e bringamento nan ta saca dos machete y ta kap un di e muhernan seriamente cu tabata den e Sentra.
E dama ta keda seriamente herida, na momento cu polis ta yegando, e Sentra ta sali bay, polis a bay su tras y dilanti DOWCO nan ta logra pare. E otro auto un Toyota Corolla shinishi a huy for di dilanti di 88 Foodmart y a laga e machete atras.
E polisnan ta pidi pa presencia di ambulance cu urgencia pa e dama, despues cu personal di ambulance a atende cu e dama, nan ta transporte cu urgencia pa hospital.
Un di e ocupantenan di e Nissan Sentra, cu aparentemente lo tabata tin e arma di candela ta logra huy y drenta mondi patras di Dowco. Polis a sigui’e y a keda busca pero no a logra haye.
Den e Nisssn Sentra polis a bin topa cu varios sker y un machete.