111
Seroe Alejandro – Diabierna atardi pa mas o menos 6:30 polis y ambulance a wordo manda un adres na Seroe Alejandro, caminda un persona lo a wordo hinca.
Na yegada di polis ya famia a core hiba e persona cu ta un hende homber, pa Centro Medico.
Polis a wordo informa na e cas caminda e incidente a tuma luga cu, tawata trata di un problema di pareha. E homber segun polis a wordo informa lo tawata maltra su pareha, y e dama na su turno lo a pasa man pa un obheto skerpi y a hinca e homber.
Aparentemente e homber lo a ricibi tres hinca, uno lo ta na su pecho links y tambe na su brasa links. Polis a bay Centro Medico pa haya mas informacion.
Na e cas e dama a wordo deteni y hiba pa warda di polis na San Nicolas.