Santo di Patia – Gabriel.C.A Martin ta cera na K.I.A, wardando e dia cu e mester presenta dilanti huez.
Motibo
Homicidio di Rishandroh (5 aña) y Eugene (3 aña) na November 2017. Un caso cu e haya e nomber ” Speeltuin”.
Gabriel Martin, su dianan den K.I.A ta hopi suave.
E ta wordo super bon protehi, su so den un cel.
Nada no mag di pase.
Su seguridad ta garantisa
Tin indicacion cu Sr. Martin ta haci manera nada un pasa, e ta hari y papia gewoon.
E no ta mustra manera un persona cu algun remordimento pa e acto cu ela comete.
Husticia tin e cera den un área poco isola, pa asina garantisa su seguridad den KIA.
Su cumindanan ta wordo estrictamente controla. E ta completamente sigur caminda e ta y no ta manera Sr.Martin ta laga sa, pues cu su bida ta core peliger paso tin persona lo kier hacie un daño (p.e. mate of tira veneno den su cuminda). Esaki no ta e caso.
Bishita
Sr. Martin regularmente ta haya bishita di famia, pues e tin tur derecho cu un preso tin.
Según información, Sr. Martin estando encarcela pa dobel homicidio, ta of a horta pertenencianan di otro presonan. Pues no solamente e ta un asesino, pero e ta un ladron tambe den KIA.
Raport di psychiater
Raport di psychiater lo bay ta crucial durante tratamento di e caso aki.
Mirando e seccion unda Gabriel ta cera, ta destina pa presonan cu ta sufri di “nervio”.
Privilegionan
Acceso na corant y of television no ta ningun problema pa Sr. Martin. E por of mag di haci yamada di telefon tambe.
E ta semper bon cuida door di esnan cu ta traha den K.I.A .
Pa su persona locual ela haci cu e dos criaturanan aki no tabata nada malo, e ta sinti su mes bon y no ta mustrando niun remordimento..
Locual a hala nos atencion ta cu, e ta gosa di tur proteccion y privilegionan cu por existi.
Mientras cu esey lo no tawata valido pa, ex mandatario Minister Drs. Paul Croes durante cu e tawata cera, como un sospechoso pa tres luna a keda isola di su famia y te hasta di otro preso.
“Actor principal”
E motibo cu e ta haya e trato special aki, probablemente por ta, paso e ta e “actor” principal den e caso horibel aki, cu sigur a duna hopi hende rabia y claro cu Husticia lo mester por garantise protección, si acaso un hende lo kier hacie un daño y tambe pa e por sinta su castigo.
Pa loke ta e mama di e muchanan, e ta cera hunto cu mas preso y constantemente e ta pasa bisa, cu e si ta inocente.
Caso Speeltuin, lo bin dilanti Juni proximo.
