139
Rooi Afo – Diadomingo marduga polis a bay Rooi Afo, pabou di e dam, pa atende cu un accidente.
Na yegada nan ta topa cu un Hyundai Accent v-car di e compania Sixt cu hopi daño material na e parti di dilanti y a bin compronde cu e chauffeur a perde control cu su auto y a bay dal contra un mata di kwihi. .
Na momento cu e agentenan a acerca e auto a topa cu un sorpresa, e chauffeur no tabata herida pero si e tabata mane cu su mama a caba di pone na mundo.
E motibo pakiko e chauffeur tabata tras di stuur auto sin paña, no ta conoci y mucho menos kiko a pasa cu su paña of si ela sali asina ariba caya of algo lo a pasa cune, un emergencia cu e lo mester a sali pura y a laga su pañanan atras.
Un persona di bon curason, cu ta biba eybanda a dune algo pa e bisti y asina tapa su curpa.
