ORANJESTAD, Aruba: Riba diamars 3 di april, Louedska a gana 80 mil florin! Y pa su majan e la pasa cobra su check ganado di Lotto Di Dia. E ganadora a cumpra 1 combinacion di number pa e sorteo di Lotto Di Dia, y e combinacion di number 01-06-10-14-22 a resulta esun ganado.
E ticket ganado a wordo bendi aya na Santa Cruz, na Golden Lottery. Lotto ta felicita e ganadora cu e tremendo premio di 80 mil florin di Lotto Di Dia.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e wegannan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
