AHATA TA FELICITA AUTORIDADNAN PA REENFORSA “BEACH POLICY”

ORANJESTAD, Aruba: Pa algun tempo caba AHATA ta pidiendo autoridadnan pa reenforsa e reglanan y regulacionnan relaciona cu maneho di operadonan di watersports y otro companianan haciendo negoshi riba nos beachnan. Consecuentemente, AHATA ta contento di mira cu siman pasa autoridad a cuminsa reenforsa e reglanan y regulacionnan di forma apropia.

AHATA ta enfatisa cu nan ta sostene Gobierno totalmente den nan esfuersonan pa mehora e calidad di e experiencia riba nos beachnan. AHATA ta convenci cu un experiencia di calidad halto riba nos beachnan ta crucial den e exito di e industria di turismo di Aruba y ta yama bon bini na loke nan ta spera di lo bira e continuo enforsamento di regulacionnan riba nos beachnan.