Diaranson ultimo despues di a trata e ley diĀ LIM (Landsverordering Instelling Ministeries) den un reunion di Parlamento di Aruba cual a dura hopi mas cu normal y a termina rond di 10āor di anochi, ambos Parlamentario a sali di Parlamento directamente pa aeropuerto y a aborda Insell Air 11.30 pm rumbo Corsou y pa asina atende 4 diferente reunion hopi interesante riba agenda. Hopi agradeci primeramente na Presidente di Staten di Corsou, Sr. William Millersen kende den un tempo hopi cortico a schedule 4 diferente reunion di interes hopi halto pa Pais Aruba pa cu un vision positivo cual dicho Parlamentarionan a atende. Mester accentua cu sr. William Millerson tambe tin un pasion enorme pa deporte y ta un atleta den e disciplina di āKarateā, kende tabata hopi popular den su tempo cu hopi titulo y un dirigente y vice presidente di e organisacion mundial di Karate.
Weganan escolar interinsular
Un di e reunionan tabata cu e propio Presidente di Parlamento, sr. William Millerson riba dos tema. Riba e promer tema a intercambia idea pa reintroduci weganan escolar interinsular entre e islanan. Sentimento di Aruba y Corsou ta comun y lo percura pa hiba combersacion cu demas islanan pa asina reinicia e proyecto aki den 2019. Ambos Parlamento ta sostene e vision di nan gobieno y minister di deporteĀ Ā Nos mester inverti den nosĀ muchanan atraves di deporte iniciando cu esaki na school. Den historia deporte a demostra di ta forma nos muchanan tanto riba e parti fisicoĀ como tambe den nan caracter y disciplina.
Weganan di Reino
Alaves a trata e di dos punto di agenda cual ta Weganan di Reino. Desde Januari durante reunion di IPKO na Aruba a combersa cu Parlamentarionan di Hulanda riba e tema aki unda eĀ chispa a wordo planta. Parlamento di Aruba, Corsou y Hulanda ta riba e mesun liƱa pa reintroduci Weganan di Reino. Aruba y Corsou tin sosten di nan Ministernan di Deporte pa cu esaki. Na luna di Mei durante reunionnan di IPKO cual lo tuma lugar na Hulanda lo bay en bloke pa trata na cristalisa e idea aki unda cu ayudo di Parlamentarionan Hulandes kendenan tambe ta sostene e idea aki busca sosten final di Minister di Deporte di Hulanda. Si logra e paso aki lo mester instala un Stuurgroep kendenan lo bay traha e plan final. Aruba a expresa adelanta cu tin e pleno deseo pa ta e organisado na 2020.
Ohala cu tur e esfuersonan comun duna e resultado final cu nos parlamentarionan kendenan tin deporte na curason ta luchando pāe. Aruba ta den pleno transicion.Ā Ā
