Chauffeur di Toyota Tercel a dal cinco auto den Pindastraat y despues a baha core bay

Pindastraat – Diasabra mainta polis di trafico y tambe patruya di Playa a bay Pindastraat, un caso cu hit and run.
E biaha aki no ta solamente un auto a wordo gedal, sino cinco auto.

E cos a cuminsa momento cu agente policial na civil a spot e auto aki na rotonde Dadelstraat, mirando cu e chauffeur tawata coriende manera loco y duro.

Ela mira unda ela drenta y a sigui’e. Den Pindastraat ela topa cu e desaster cu ela comete, door di dal cinco auto y pa despues baha core bay.
Testigonan a bisa polis con e tipo ta. Tawata trata di un hoben color cla y delega y cu un tattoo na un di brasanan.

Patruynan a tira bista rond, pero no a logra haya e individuo aki.

Merdia e hoben y su mama lo a mester a presenta na warda di polis na Playa.