Tanki Leendert – Diabierna marduga polis a bay rotonde di Tanke Leendert, pa un boksmento cu hende herida.
Loke tawata mustra un boksmento “normal”, a tuma un otro rumbo.
Den e auto cu a boks, e persona herida lo tawata un dama di 20 aña y probablemente lo tin 2 luna na estado.
Su mama cu tawata na stuur, tawata manehando bou inlfuencia.
Esaki a bira motibo suficiente pa e por a wordo deteni. E señora na su turno lo a yama famia y avisanan cu e ta envolvi den un boksmento.
Den algun minuut, algun familiar a yega y eynan tawata ora cu cos a cuminsa bay robes.
Momento cu polis a bay over pa detene e señora su yiu muhe lo a trata na obstaculisa trabou di polis.
Na yegada di e famia, problema sigui escala y a pidi refuerzo di mas unidad policial.
Polis na varios ocasion a bisa famia pa tene distancia y laganan haci nan trabou, pero esaki segun polisnan no tawata wordo haci.
Un cabayero cu ta famia a wordo deteni na e sitio, door di no sigui ordo di polis.
Personal di ambulance a hiba e dama cu tawata herida pa hospitaal.