Mientras e bestuur ta chicando e baca
Durante 8 aña Aruba a conoce dos ex-Minister kendenan tabata responsabel pa deporte aki na Aruba. Tristo pa mira cu deporte di Aruba a keda stagna. Ambos a usa fondonan di Fundacion Lotto pa Deporte pa persigui diferente conciudadano gastando miyones di fondonan enbes di a destina esaki pa deporte. Amigonan abogado manera Kloes y Luci Peterson casa di ex-parlamentario Baba Herde, a cobra sumanan espantoso. Clubnan y seleccionnan ta para den solo bende rifa pa logra representa nan Pais.
Interesnan personal
Ambos ex-Minister ta comerciante. Visser ta doño di Boticanan Visser y su prioridad semper tabata pa atende Salubridad. Nos por corda con el a fix un Bidding pa su propio compania gana un contracto MIYONARIO cu AZV pa entrega incontinentie material, entre otro pampers pa nos grandinan etc. Schwengle tambe su agenda ta salubridad y a logra masacra e pais aki cu e proyecto di mas corupto den historia, esta e proyecto di Hospital. Tur berdad lo sali na cla prome cu fin di aña. Asina ambos ex-Minister a percura mas tanto pa salubridad unda nan interesnan personal a prevalece riba interes di pueblo. Tur dos a laga Deporte manera un barco sin capitan. Mas tristo ta cu nan a pone un set di sinberguensa den bestuur kendenan te cu dia di awe ta “malgastando” placa di deporte. Pronto pueblo lo cera conoci cu e recibo total di bagamunderianan cu a tuma y ta tumando lugar den Lotto. Miembronan di Bestuur ta grawata lomba di otro y asina ta tapa pa otro.
Bagamunderianan den Lotto
Tin di nan tur weekend ta come y bebe burachi den entre otro El Gaucho y ta manda compania cobra Lotto. Arnold Legrand cu negoshi personal den mundo di IT a strica placa di Lotto siendo miembro di Bestuur, otro ta cobra pa consehonan huridico, esta e casa di ex-parlamentario Desiree Croes di AVP, otro ta haci negoshi grandi usando su titulo como ex-Register Accountant y asina tur e miembronan di bestuur ta strica MIYONES den 8 aña banda di nan bestuursvergoeding. Benvinda Maria Da Sousa di Corsou, Antonio Kamperveen (ex-taxista 393 kende porcierto a bende esaki), Elias Kock pensionado, Flavio Faneyte (Staff Elmar NV), Silvio Janga (amigo di cas di Mike de Meza), Di Stefano Wernet (kende no por mira placa) ta entre otro esnan cu a saca MIYONES di Lotto pa otro causa cu no ta deporte. Ta normal por ehempel desde 2016 siendo Presidente di Bestuur e tempo aya Destefano Wernet ta cobra Afl.13 mil tur luna extra pa duna advies na Lotto? Tur miembro di bestuur ta na altura y tur ta tapa pe.
E bom Lotto ta den rementa
Mi ta reta Destefano Wernet cu tur su abogadonan incluyendo nan profesor pa hibami Corte. Cu placer mi lo mustra Corte tur bagamunderia cu ta tumando lugar den Lotto pa Deporte. Esakinan ta hendenan cu Hues mr. SAB a exigi minister Danqui Oduber pa traha cu nan. Nan ta HORTANDO y CHICANDO Lotto y net nan mester ta esnan di confiansa? Nos ta pidi pueblo poco pasenshi pasobra poco poco e BOMB “LOTTO” ta rementando y pruebanan ta saliendo na cantidad. Esaki hustamente ta e rason cu e bestuur di AVP aki a cambia Statuut despues di eleccion pa keda sinta pa e berdad no sali. Corda cu tempo ta nos mihor amigo y no solamente lo baha e Bestuur aki pero lo bringa pa pone nan paga bek y/of responsabilisa nan mes pa nan actonan a la ”mafia” chicando Lotto y placa di nos deportistanan na un manera nunca bisto.