Polis a detene homber cu lo ta meti den caso di ladronicia na Tanki Flip

L.G.Smith Boulevard – Diaranson anochi patruyanan di Playa ta topa cu un Honda Inspire color preto, staciona tegenover di Royal Plaza.
E auto aki lo tawata involucra den un caso di ladronicia mas trempan den anochi.
Esaki lo a sosode na Tanki Flip, area di entrada pa bay Brandweer.

Pa mas o menos 11:30 dos patruya di Playa ta topa cu e Honda Inspire aki y ta detene un persona y transporte pa warda. Segun testigo durante cu e nan a comete e kiebro, tawata tin mas cu 1 persona den e auto. Takelwagen tambe a wordo pidi, pa bay cu e auto.