Santa Cruz: Diadomingo riba dia di Himno y Bandera, scol di arte marcial, Tang Soo Do a organisa un otro torneo pa su alumnonan.
Fighting Eagle Academy School of Tang Soo Do ta contento cu nan a logra organisa un torneo, den cual otro arte marcial na Aruba cu a acepta e invitacion a forma parti di e torneo aki.
E torneo tabata parti den diferente disciplina di arte martial cual tabata Chil Sung (forma di cana avansa), Hyungs/Kata (forma di cana), Weapons (forma cu arma), Team Hyungs/Kata y por ultimo Grand Champion den Hyungs/Kata.
Kyo Sah Nim Sherwin Wester ta gradici tur otro instructor di e otro arte marcialnan cu a forma parti di e competencia aki y asina forma un meta pa sigui engrandece e deportenan di arte marcial na Aruba.
Un danki ta bai na Aruba Medical Supplies, Dushi Awa y S.A. Provider como sponsornan cu a aporta pa haci e torneo aki bira un exito rotundo.
Por ultimo Kyo Sah Nim Sherwin kier a gradici tur mayor, alumnonan cu a forma parti di e torneo y tambe na Ronaldinho Zara como fotografo di e torneo.