ORANJESTAD, Aruba – Diasabra mainta trabou a cuminsa na Club Kibrahacha di Aruba Doet cu sosten y colaboracion di famianan, Team di Club Kibrahacha, Aruba Hotel and Tourism Association y banco CBIC.
A parti e teamnan den tres grupo y asina cada un a cuminsa cu trabounan di mantencion. E prome grupo tabata encarga cu e parti di planta mata, tanto e adultonan como e muchanan a traha hunto pa planta diferente mata.
E di dos grupo tabata encarga pa chapi y haci un area limpi, unda cu tanto hende muhe como hende homber a traha hunto pa asina haci e area limpi. E ultimo grupo tabata encarga pa vernisa e bankinan, unda tur a traha hunto y termina cu tur banki, pa despues yuda e grupo trahando cu mata pa asina laga e cura bunita y limpi.
Pa merdia AHATA a bay na Scol Basico Washington y aki nan a haci entrega di un delicioso cuminda y coy bebe na e team di 50 boluntario.
AHATA tabata entusiasma di por a participa un biaha mas na e proyecto di Aruba Doet y ta premira pa duna un man na comunidad durante Aruba Doet 2019.