151
Gielstraat – Diadomingo pa mas o menos 3’or di atardi polisnan di districto di Noord ta bay na un cas den Gielstraat, caminda algun persona lo a yega y a maltrata tres persona den e cas aki.
Mesora su tras informacion a drenta, cu ta un persona di fam F conoci pa polis hunto cu algun familiar a bay na e cas y a cuminsa bringa y maltrata hende .
E personanan cu a bay na e cas pa haci problema, a yega den dos auto.
Aparentemente un di e autonan lo ta un pick up color cora, y un otro auto mas a wordo menciona, pero esaki no por a wordo confirma.
Tres personanan maltrata n e cas den Gielstraat a keda herida. Un di nan lo a haya un corta.
Despues cu polis na e sitio a tuma tur datos, ambulance a transporta tur tres pesona pa hospital.
Autoridad tin atencion pa e caso aki, nan ta na altura ken a maltrata e tres personanan aki y no ta descarta e posibilidad cu pronto lo detene esnan cu a comete a acto aki.