138
Caya Papa Juan Pablo II – Diasabra mainta algo pasa di 8:30 polis y ambulance a bay Caya Papa Juan Pablo II (antes Rondweg) na Dakota, pa un accidente cu hende herida.
Na yegada di polis nan ta topa cu un BMW y un Hyundai Tucson.
Segun agentenan a compronde, e BMW lo a pasa den verboden cu velocidad halto y a bay dal tras di e Hyundai.
Debi na e impacto duro ambos chauffeur a resulta herida.
Personal di ambulance a atende e heridonan na e sitio mes.
Polis a nota cu e chauffeur di e BMW lo a consumi alcohol, a pone supla. Debi cu e test a sali halto ela wordo deteni na e sitio y hiba warda di polis.
