Sabana Liber – Diamars mainta den careda di 11’or polis a wordo informa cu un auto a drenta un cas na Sabana Liber, y lo tin hende herida.
Polis di trafico cu a yega prome, a ser señala na unda e accidente a sosode.
Na prome instante bo no ta ripara nada straño, pero despues ora un habitante a mustra e agente ela compronde kiko a pasa.
Segun nos a compronde, ta trata di un Nissan Almera.
Aparentemente e Nissan staciona den cura momento cu a bay start e, na luga di pone den Reverse a pone den Drive. Ora cu e auto a pasa door di e schuifdeur drentando e cushina, un señora a wordo herida door di glas.
Esaki a causa un herida serio na su pia.
Ambulance mes no a yega mes ora, sino e rapid response pick up di ambulance.
Mes ora e paramedico a bay paden pa atende e señora.
Mas despues a transporta e señora pa hospitaal.