121
Pos Chikito: Diasabra den oranan di marduga polis y ambulance ta bay cu urgencia na altura di Isla di Oro, pa un accident den cual un pickup a bolter y lo tin hende herida.
Na yegada nan ta bin topa cu e chauffeur cu no tabata herida y nan a bin compronde cu e pick up tabata biniendo for di Rooi Lamoenchi y pa un of otro motibo a bay dal contra un palo di luz y despues a bolter.
Un parti di e palo di lus y cu tur e wayanan a keda benta riba caminda, pa e motibo aki e caminda a keda cera pa basta rato, te ora cu e trahadornan di Elmar por a caba di lanta esaki.
E parti “bon”, tawata cu esaki a sosode den oranan di marduga y manera nos tur sa e oranan trafico ta keto.