Verano – Diadomingo anochi 9’or pasa informacion a drenta di un pelea entre un grupo di persona na Verano.
Prome informacionnan a papia cu lo por tawata tin uso di arma di candela.
Varios unidad policial y tambe tres ambulance a sali pa e sitio.
Na yegada polisnan a topa cu marcanan di brommer y varios baranca basta grandi gespart ariba caminda.
Loke nos por a compronde di habitantenan ta cu e pelea of problema, con cu por yame tawata tin basta rato caba andando y segun nan a yama polis, pero esaki no yega. Despues di basta rato cu cos a bay for di man, segun e habitantenan e ora polis a yega.
Un caso poco bruha, paso segun bisiñanan e habitante di e cas envolvi lo a manda baranca ariba esnan cu lo tawata draai brommer y di eynan cos a bay for di man y ta parse cu no ta di awor nan tin problema, esnan envolvi aparentemente tin problema basta tempo cu otro. Segun informacionnan, e personanan cu tawata meti den e problema no ta biba leu di otro tampoco.
Na e sitio por a wak recherchenan y tambe departamento tecnico, pa saca potretnan y colecta mas hopi datos posibel.
Un persona lo a keda deteni.