ORANJESTAD, Aruba: Durante fin di aña Aruba Bank tabatin nan campaña di “Usami y Gana cu Aruba Bank Smart Deposit Machine”. Hopi cliente di Aruba Bank a participa na esaki, unda cu a saca e ganado den luna di Januari. E ganado di e campaña tabata Jose van der Biezen.
Durante e lunanan di November y December clientenan di Aruba Bank tabata haci uzo di e Smart Deposit Machine. Haciendo uzo di Aruba Bank Smart Deposit Machine clientenan no mester para den fila mas y Jose van der Biezen a probecha di esaki. Jose a gana 1000 florin haciendo uzo di e servicio di Aruba Bank Smart Deposit Machine cu ta uno facil y lihe.
Jose van der Biezen a probecha durante e lunanan di November y December pa uza e servicio aki, unda el a paga su cuenta mensual di Elmar, WEB y Setar y no mester a para den fila. Clientenan di Aruba Bank por sigui haci uzo di e Aruba Bank Smart Deposit Machine na Hato, Camacuri of San Nicolas pa paga nan cuentanan di Elmar, WEB y Setar.