Prome Minister di Aruba, sra Evelyn Wever-Croes a celebra dia di Betico na un manera masha special bishitando varios lugarnan. Un luga special cu nos Minister President a bishita ta e cas di nos grandinan na Yaburibari treciendo alegria den curason di nos grandinan.
Pa Prome Minister, nos grandinan, nos pensionadonan tin un luga special y tin prioridad hopi halto den e programa di gobernacion di Gabinete Wever-Croes, pero como Minister President di nos pais, esaki ta su compromiso.
E mandatario a pasa algun ora ameno cu nos grandinan na unda cu nan a expresa nan cariño, stimacion y alegria pa nos Prome Minister y di por tin un Prome Minister cu tin nan na su curason. E cuido di nos grandinan lo mehora.
Prome Minister ta bisa: “Ki alegria di por a comparti cu nos grandinan”.